(A Tagalog poem written by Andres Bonifacio, the founder of the Katipunan during the Philippine Revolution.)

Image Credit: www.pambuanarnis.com

• Sumikat na Ina sa silangan
• ang araw ng poot ng katagalugan,
• tatlong daang ng dusa ng karalitan.
• Walang isinuway kaming iyong anak
• Sa bagyong masasal ng dalita’t hirap

• Iisa ang puso nitong Pilipinas
• At ikaw ay di na Ina naming lahat.
• Sa kapuwa Ina’y wala kang kaparis
• ang layaw ng anak, dalita’t pasakit
• pag nagpatirang sa iyo’y humibik
• lunas na gamot mo ay kasakit-sakit.

• Gapusing mahigpit ang mga Tagalog
• makinahi’t biting parang isang hayop:
• hinain sa sikad, kulata at suntok,
• ito baga, Ina, ang iyong pag-irog?
• Ipabilanggo mo’t sa dagat itapon
• barilin, lasunin nang kami’y malipol
• sa aming Tagalog ito baga’y hatol,
• Inang mahabagin sa lahat ng kampon?

• Aming tinitiis hanggang sa mamatay
• bangkay na mistula’y ayaw pang tigilan,
• kaya kung ihulog sa mga libingan
• linsad na ang buto’t lamuray ang laman
• Wala nang namana itong Pilipinas
• na layaw sa Ina kundi parang hirap,
• tiis ay pasulong, patente’y nagkalat,
• rekargo’t impuesto’y nagsala-salabat.

• Sarisaring silo sa ami’y inisip
• kasabay ang utos na tuparing pilit,
• may sa alumbrado kaya kaming tikis,
• kahit isang ilaw at walang masilip.
• Ang lupa at bahay na tinatahanan,
• bukid at tubigang kalawak-lawakan,
• at gayon din pati ng mga halaman
• sa paring kastila ay binubuwisan.

• Bukod pa sa rito’y ang iba’t iba pa,
• huwag   nang saysayin, oh, Inang Espanya,
• sunod kaming lahat hanggang may hininga
• Tagalog di’y siyang minamasama pa.
• Ikaw nga, Oh, Inang pabaya’t sukaban
• kami’y di na iyo saan man humanggan,
• ihanda mo, Ina, ang paglilibingan
• sa mawawakawak nma maraming bangkay.

• Sa sangmaliwanag ngayon ay sasabog
• ang barila’t kanyang katulad ay kulog,
• ang sigwang masasal sa dugong aagos
• ng kanilang bala na magpapamook.
• Di na kailangan sa iyo ng awa
• ng mga Tagalo, oh, Inang kuhila,
• paraiso namin ang kami’y mapuksa
• langit mo na naman ang kami’y madusta.

• Paalam  na, Ina, itong Pilipinas,
• paalam na, Ina,itong nasa hirap,
• paalam, paalam, Inang habag,
• paalam na ngayon, katapusang tawag.

*****

Source:

• INTEGRATION:  Philippine Literature with Communication and Culture (pp.169-170)
• Authors:  Asuncion, David, and  Maramba
• A textbook from The National Communication Arts Series

Share To Any

Related Posts:

• Andres Bonifacio (1863 – 1897)
• “The Filipino as Lover” by Visitacion R. De La Torre
• Gen. Gregorio Del Pilar (1875 – 1899)
• SONG OF THE TRAVELLER ~ A Poem by Dr. Jose Rizal
• Gen. Emilio Aguinaldo (1869 – 1964)
• "To The Filipino Youth" by Dr. Jose Rizal